Latgaliešu folklora


Ekspedīcijas
Foto galerija
Videotēka
Teiceju reģistrs
Vācēju reģistrs
Šifra atslēga
Publikācijas
Pētniecība
Folkloras žanri

 




Brahioloģismi - Ticējumi
10-T8-V4-Mt35
Bārzus, kas nūgrīzti vosorys svātkūs, juonas i juolīk iz škiuni zam sīna, lai napalātu sīns i pelis naāstu.
(Auleja 2013)
10-T8-V4-Mt34
Nuokušā godā juodadzynoj vaiņuks lai paragūņs, paradzās kū iz prīkšu – ci veirs tjav tys byus, ci laima byus.Cytu raizi i nikuo nanas. Kai kuru raizi beja īcarāts.
(Auleja 2013)
10-T8-V4-Mt33
Juoņdīnā kū saradz sapynā, tys atīs tjav nūnimt vaiņuceni.As sovu saredzieju.
(Auleja 2013)
10-T8-V4-Mt32
Kūžu vokorā juolīk zam spylvyna sīns – kaidu sapynu redziesi, tai da tevi atīs ci sīna zagtu, ci gulātu.
(Auleja 2013)
10-T8-V4-Mt31
Juošyupojās, lai golva nasuopātu.
(Auleja 2013)
10-T8-V4-Mt30
Lai byutu sprūgainys maitys, līk ziernuojus.
(Auleja 2013)
10-T8-V4-Mt29
Kab byutu dāly, līk zam gultys ciervi.
(Auleja 2013)
10-T8-V4-Mt28
Kab sprūgains bārns kaids byutu, līk vylnu zam spylvyna, kai vušķeņa sprūgaina, vai vylnys pyku kaidu īlīk.
(Auleja 2013)
10-T8-V4-Mt27
Vasari īlīk zam pi spylvyna, lai byutu styprs dāls.
(Auleja 2013)
10-T8-V4-Mt26
Kas pyrmais īkuopa gultā, tuo byus vierss.
(Auleja 2013)
10-T8-V4-Mt25
Iudiņs lai pasadzart, lai suopūnis tjav nikod nabyutu.
(Auleja 2013)
10-T8-V4-Mt24
Suoļs leigovai leigavaiņam simbolizej, nu, kab dzeivuotu boguoty, kab maizeitis vīnmār byutu.
(Auleja 2013)
10-T8-V4-Mt23
Tū vaiņuceni, ka taiseja, tū ar vīnu zareni, kab jis nabyutu, kab jī nūdzeivuotu vīnu myužu kūpā. Ar vīnu veiru, ar vīnu sīvu vysu myužu kūpā, kab itū naizaškiertu.
(Auleja 2013)
10-T8-V4-Mt22
Kuozu vaiņuceņš juotaisa nu līgavys mirtenis, kuozu mirtenis, lai nas leigovai laimi.
(Auleja 2013)
10-T6-V4-Mt21
Nu mamys ir puorņimta taida kūka karūta, ar kuru maisu īvuoriejumu. Juomaisa ar kūka, tod īviuoriejums stuov ilguok. Kūka karūtī ir dabeigais kūka spāks, nikai dzeļžam vai aluminejam.
(Auleja 2013)
10-T6-V4-Mt20
Ellī i paliksi, ka nalabi runuosi.
(Auleja 2013)
10-T6-V4-Mt19
Ellī siediesi, dabasūs natiksi.
(Auleja 2013)
10-T5-V3-Mt18
Uz golda nūlīc sīnu, viersā uzsadz polagu i līk viersā maizītes ( oblatkas ). Tūreiz tū sīnu nu reita piec brūkastiem pa šķipsniņai vusur salīk, lai loba raža, īdūt lūpiņīm, lai aug lili, I tod jozdūd iz baznīcu.
(Auleja 2013)
10-T5-V3-Mt17
Palākī zierņi dieļ to, lai veiktus.
(Auleja 2013)
10-T5-V3-Mt16
Zīmassvātkos palākī zierņi josavora, lai daudzi naudas.
(Auleja 2013)
10-T2-V2-Mt15
Ja nekustīgi spalvu mākoņi vakarā izzūd, tas liecina par labu laiku.
(Auleja 2013)
10-T2-V2-Mt14
Ja ozols pirms oša uzplaukst, tad būs sausa vasara.
(Auleja 2013)
10-T2-V2-Mt13
Ja pērkons ducina ilgi un dobji, būs slikts laiks, ja turpretim spalgi un īsi – gaidāms skaidrs laiks.
(Auleja 2013)
10-T2-V2-Mt12
Ja agri pavasarī redzami zibeņi, bet pērkons nav dzirdams, tad būs sausa vasara.
(Auleja 2013)
10-T2-V2-Mt11
Ja no bērziem tek daudz sulas, tad gaidāma lietaina vasara.
(Auleja 2013)
10-T2-V2-Mt10
Ja agri nokūst sniegs, tad ilgi nekas neaug.
(Auleja 2013)
10-T2-V2-Mt9
Kad zied ievas, vienmēr nāk aukstums.
(Auleja 2013)
10-T2-V2-Mt8
Ja ir liela rasa, tas ir uz labu laiku, ja nav rasas, tad būs lietus.
(Auleja 2013)
10-T2-V2-Mt7
Ja odi griežas virpulī – tuvojas siltas un saulainas dienas.
(Auleja 2013)
10-T2-V2-Mt6
Ja uz zāles ir daudz zirnekļu tīklu, tad būs skaidrs laiks.
(Auleja 2013)
10-T2-V2-Mt5
Lietus bez vēja līst ilgi.
(Auleja 2013)
10-T2-V2-Mt4
Mēness kļūst sarkans uz lietu.
(Auleja 2013)
10-T1-V1-Mt3
Tic, ka kaimiņiene, kad atnāk, tad nelaime klāt, jo tai esot ļauna acs un viņa izmantojot sliktas zīmes un burās.
(Auleja 2013)
10-T1-V1-Mt2
Ticēja, ka pārdodot sivēnus, pircēju kūti nelaida, tā esot slikta zīme.
(Auleja 2013)
10-T1-V1-Mt1
Pirms baznīcas svētkiem nevar citam, ko lūgt vai dot. Cilvēki vēl tic, ka no tā rodas nelaimes.
(Auleja 2013)
03-T4-V3-Mt407
Kad sapnī redzēsi mirušū, voi jau sovējī atīt uz sātu, tad viskas tevim visādas nepatikšanas.
(Bērzgale 2013)
03-T4-V3-Mt406
Ja biezi gubu mākoņi peld zemu, būs slikts laiks, ja augstu – būs vējš.
(Bērzgale 2013)
03-T4-V3-Mt405
Spožas zvaigznes vēstī par labu laiku, blāvas – par lietu.
(Bērzgale 2013)
03-T4-V3-Mt404
Ja saulrieta debesis ir dzeltenas, zeltainas vai rožainas būs labs laiks.
(Bērzgale 2013)
03-T4-V3-Mt403
Ja, saulei rietot, mākoņi savelkas no ziemeļiem, būs vējš.
(Bērzgale 2013)
03-T4-V3-Mt402
Ja riekstu ir daudz, bet sēņu nav, būs barga un sniegiem bagāta ziema.
(Bērzgale 2013)
03-T4-V3-Mt401
Reti mākoņi – būs skaidrs un auksts laiks.
(Bērzgale 2013)
03-T4-V3-Mt400
Mākoņi zemu nolaižas būs slikts laiks.
(Bērzgale 2013)
03-T4-V3-Mt399
Sarma vēstī labu laiku.
(Bērzgale 2013)
03-T4-V3-Mt398
Krīt sīka krusa – pēc nedēļas gaidāms sals.
(Bērzgale 2013)
03-T4-V3-Mt397
Ja gailis sāk staigāt ar nolaistu asti, drīz uzkritīs sniegs.
(Bērzgale 2013)
03-T4-V3-Mt396
Pirms lietus mēness ir blāvs un bāls, pirms saulaina laika – tīrs un spožs.
(Bērzgale 2013)
03-T1-V2-Mt395
Tymsi Zīmassvātki, bez mieness un zvaigznem – byus vaisleigs mojlūpu gods, arī mojlūpi labi padūsīs.
(Bērzgale 2013)
03-T1-V2-Mt394
Slapni Zīmassvātki – tukšys puķis i apcierkņi, Zīmassvātki skaidri – vosora pylna Dīva svieteibas.
(Bērzgale 2013)
03-T1-V2-Mt393
Jo pirms Zīmassvātkim garys latakas – byus bogots gods.
(Bērzgale 2013)
03-T1-V2-Mt392
Jo leidz Zīmassvātkim daudz snīga – vosorys ražā byus daudz palovu, jo pēc Zīmassvātkim – byus daudz brīdušu graudu.
(Bērzgale 2013)
03-T1-V2-Mt391
Jo Zīmassvātkūs kaut uz breidi uzspeid saule – byus lobs pīna gods.
(Bērzgale 2013)
03-T1-V2-Mt390
Jo Zīmassvātkūs pi debesim daudz zvaigžņu – byus daudz jāru un sivānu.
(Bērzgale 2013)
03-T1-V2-Mt389
Jo pirms Zīmassvātkim ir atkušņi, zīmoji slikti porzīmoj.
(Bērzgale 2013)
03-T1-V2-Mt389
Jo pēc Zīmassvātkim nūsamojuši kūki – byus loba mīžu raža.
(Bērzgale 2013)
03-T1-V2-Mt388
Jo Zīmassvātku naktī daudz zvaigžņu, vosorā byus daudz ūgu un sieņu.
(Bērzgale 2013)
03-T1-V2-Mt387
Jo iudiņi leidz Zīmassvātkim treis reiz porsoluši – byus bogota vosora.
(Bērzgale 2013)
03-T1-V2-Mt386
Zīmassvātki bez snīga – byus voja sīna raža, snīgaina – lobs sīna laiks.
(Bērzgale 2013)
03-T1-V2-Mt3185
Jo ap Zīmassvātkim solts, vosora byus korsta.
(Bērzgale 2013)
03-T1-V2-Mt384
Jo ap Zīmassvātkim saks snīgs – ap Joņim byus skaists sīna laoks.
(Bērzgale 2013)
03-T1-V2-Mt383
Jo ap Zīmassvātkim nūsormojuši kūki – byus lobs zīdu laiks.
(Bērzgale 2013)
03-T1-V2-Mt382
Jo Zīmassvātkūs ir snīgputenis – byus lobs bišu mada īnasums.
(Bērzgale 2013)
03-T1-V2-Mt381
Jo zaļi Zīmassvātki – byus boltas Leldīnas.
(Bērzgale 2013)
03-T1-V2-Mt380
Jo leidz Zīmassvātkimnaaizsaļ upisun azari – nokomā vosorā byus bogots zivju gods.
(Bērzgale 2013)
03-T1-V2-Mt379
Viejaini Zīmassvātki sūla lobu augļu ražu.
(Bērzgale 2013)
03-T1-V2-Mt378
Jo pirms Zīmasvātkim nav bejis putins, nabyus rudiņī kū apcierkņūs bērt.
(Bērzgale 2013)
03-T1-V2-Mt377
Jo pirms zīmassvātkim daudz snīga – pirms Joņim byus daudz leita.
(Bērzgale 2013)
03-T1-V2-Mt376
Jo Zīmassvātkūs bitis strūpūs dzīd – byus silta vosora.
(Bērzgale 2013)
03-T1-V2-Mt375
Jo Zīmassvātkūs lūgūs mirdz ladus puķis – nokamajā godā byus daudz augļu.
(Bērzgale 2013)
03-T1-V2-Mt374
Jo kūkūs ir sorma – byus daudz sieņu.
(Bērzgale 2013)
03-T1-V2-Mt373
Jo zūss Morteņūs pa dubļim staigoj – Leldīnos īs pa ladu.
(Bērzgale 2013)
03-T1-V2-Mt372
Jo ap Morteņim saļ – byus lobi godi.
(Bērzgale 2013)
03-T1-V2-Mt371
Jo leidz Morteņimvar art zemi, nokomgod tikai pēc Vosoras svātkim varēs sēt.
(Bērzgale 2013)
03-T1-V2-Mt370
Sorma Morteņūs līcinoj, ka byus daudz augļu dorzā.
(Bērzgale 2013)
03-T1-V2-Mt369
Jo ap Morteņim kūkūs vēlzaļas lopas, nokomgod ap Vosoras svātkim tūs vēl byus moz.
(Bērzgale 2013)
03-T1-V2-Mt368
Jo Morteņūs skaidras mieness naktis – byus skaidrs sīna laiks.
(Bērzgale 2013)
03-T1-V2-Mt367
Morteņi myglaini – silta, meiksta zīma.
(Bērzgale 2013)
03-T1-V2-Mt366
Jo Morteņūs jumti ir snīgā – byus gara zīma.
(Bērzgale 2013)
03-T1-V2-Mt365
Jo Morteņdīna skaidra un saulaina, zīmā byus leli soltumi.
(Bērzgale 2013)
03-T1-V2-Mt364
Jo Morteņūs saļ – ap Zīmassvātkim byus silts laiks.
(Bērzgale 2013)
03-T1-V2-Mt363
Jo Morteņūs saļ – Katrīnos ir atkusnis.
(Bērzgale 2013)
03-T1-V2-Mt362
Coļus kauj Miķeļdīnā, tod labi padūdas.
(Bērzgale 2013)
03-T1-V2-Mt361
Gūvim Miķeļdīnā dūd ēst solmus, tod arī zīmā ēss solmus.
(Bērzgale 2013)
03-T1-V2-Mt360
Jo Miķeļdīnā vora kopustus – tī ir syuri un cīti.
(Bērzgale 2013)
03-T1-V2-Mt359
Jo lopys nūbierst pirms Miķeļim – byusagrs pavasars.
(Bērzgale 2013)
03-T1-V2-Mt358
Jo Miķeļdīnā viejs pyuš nu zīmeļim - gaidama solta, dziļa zīma, jo nu dīnvidim – sylta, ar snīgu tryuceiga, jo nu vokorim vai reitim – normāla, mārana.
(Bērzgale 2013)
03-T1-V2-Mt357
Jo ūzulzeilis ap Miķeļim porsprogst un ir slapnas – byus lāna zīma.
(Bērzgale 2013)
03-T1-V2-Mt356
Jo Miķeļdīna slapna – zīma byus meiksta.
(Bērzgale 2013)
03-T1-V2-Mt355
Cik ilgi pēc Miķeļim lopys stov, tik ilgi pēc Jurģim nav zolis.
(Bērzgale 2013)
03-T1-V2-Mt354
Jo dzērves aizlidoj pirms Miķeļim, 9 dīnas pēc Miķeļim byus snīgs, jo bārzi nūdzeltej pirms Miķeļim, nokomā godā byus loba mīžu raža.
(Bērzgale 2013)
03-T1-V2-Mt353
Cik nedeļu pirms Miķeļim kūki nūdzeltej, tik nedeļu pirms Jurģim zole deigs.
(Bērzgale 2013)
03-T1-V2-Mt352
Jo Miķeļu nakts myglaina – byus loba vosora, jo sausa un solta – slykta vosora.
(Bērzgale 2013)
03-T1-V2-Mt351
Jo leidz Miķeļim lopys kūkim nūbierst, prīkš Jurģim zīdās īvs – byus silts pavasars.
(Bērzgale 2013)
03-T1-V2-Mt350
Jo Miķeļdīnā vēl ūzulā zeiles – byus dziļi Zīmissvātki un solta zīma.
(Bērzgale 2013)
03-T1-V2-Mt349
Jo Miķeļdīnā lūpi nu gonim īdami zoles kušķi nas aiz lyupas, sagaidams lūpbareibas tryukums zīmā.
(Bērzgale 2013)
03-T1-V2-Mt348
Jo Bārtula dīnā lobs laiks, taids tys byus arī rudiņs.
(Bērzgale 2013)
03-T1-V2-Mt347
Jo bezdeleigys pazyud pirms Bārtulim – pirms Miķeļim byus snīgs.
(Bērzgale 2013)
03-T1-V2-Mt346
Jo Bārtula dīnā nalej leits, tū rudiņi byus daudz uguņsgrāku.
(Bērzgale 2013)
03-T1-V2-Mt345
Jo ap Bārtuļim kryumu mušis radzamys klāvā – dreizumā byus solts laiks.
(Bērzgale 2013)
03-T1-V2-Mt344
Kaids laiks Bārtulī – taids vysu rudiņi.
(Bērzgale 2013)
03-T1-V2-Mt343
Jo Labrenča dīnā speid saule, tod rudiņī daudz ugunsgrāku, jo lej – tod ugunsgrāku nabyus.
(Bērzgale 2013)
03-T1-V2-Mt342
Jo nedeļu pirms un pēc Labrenča nav solnu – byus vāls un silts rudiņs.
(Bērzgale 2013)
03-T1-V2-Mt341
Jo Labrencī ir mitrs – byus augleigs rudiņs.
(Bērzgale 2013)
03-T1-V2-Mt340
Jo Labrenča dīna sausa – byusdaudz pārkiuņa ugunsgrāku.
(Bērzgale 2013)
03-T1-V2-Mt339
Jo Labrenča dīnā lej – byus leitains rudiņs.
(Bērzgale 2013)
03-T1-V2-Mt338
Jo Labrenča dīna skaista – saulaina – byus skaists rudiņs.
(Bērzgale 2013)
03-T1-V2-Mt337
Saulaina Annas dīna sūla lobu laiku un ražu.
(Bērzgale 2013)
03-T1-V2-Mt336
Jo Anas dīnā salejst sīns, tys nasapyus.
(Bērzgale 2013)
03-T1-V2-Mt335
Annas dīnas leits sūla daudz sieņu.
(Bērzgale 2013)
03-T1-V2-Mt334
Jo Annas dīnā uznok krusa – nokušā godā Pīterdīnā byus leits.
(Bērzgale 2013)
03-T1-V2-Mt333
Jo Annas dīnā lej leits – tys leis vēl 2 nedelis.
(Bērzgale 2013)
03-T1-V2-Mt332
Jo Annas dīnā lej – byus slapnys rudiņs.
(Bērzgale 2013)
03-T1-V2-Mt331
Jo Annas dīnā lej leits – tū rudiņi nabyus rīkstu – paliks malnom īkšom.
(Bērzgale 2013)
03-T1-V2-Mt330
Jo kartupeļu zīdi bierst agrok Jākuba dīnis – nabyus lobu kartupeļu.
(Bērzgale 2013)
03-T1-V2-Mt329
Jo Jākuba dīna skaidra – byus bogota raža, byus daudz dorba teirumā.
(Bērzgale 2013)
03-T1-V2-Mt328
Jo silta un saulaina Jākuba dīna – byus solti Zīmissvātki.
(Bērzgale 2013)
03-T1-V2-Mt327
Jo Jākuba dīnā ap sauli daudz mozu mokūneišu, zīma byus snīgim bogota.
(Bērzgale 2013)
03-T1-V2-Mt326
Jo Pīterdīnā saule tikai breidi speid – byus daudz ugunsgrāku.
(Bērzgale 2013)
03-T1-V2-Mt325
Jo Pīterdīna leitaina, vyss sīna laiks leitains.
(Bērzgale 2013)
03-T1-V2-Mt324
Jo Pīterdīnā lej, leis leidz Annas dīnai.
(Bērzgale 2013)
03-T1-V2-Mt323
Jo dzagūzis beidz kiukot ap Pīterdīnu – byus sylts rudiņs.
(Bērzgale 2013)
03-T1-V2-Mt322
Zoļu dīnā arvīn lej leits, bet Joņu dīnā reti.
(Bērzgale 2013)
03-T1-V2-Mt321
Jo Zoļu vokorā uz pīna traukim samat notres, rogonas sazadzeļ i pīnu namaitoj.
(Bērzgale 2013)
03-T1-V2-Mt320
Jo sorkonīs obuļeņš uzzīd pirms Joņim – byus plyudi.
(Bērzgale 2013)
03-T1-V2-Mt319
Jo Joņu zoles ilgi naveist, arī sīns nakalss un byus leitains.
(Bērzgale 2013)
03-T1-V2-Mt318
Jo pārkiuņs ryuc naktī pirms Joņim – byus naaugleiga vosora.
(Bērzgale 2013)
J03-T1-V2-Mt317
Jo dzgūze kiukoj 9 dīnas pēc Joņim, tod 9 dīnas pēc Miķeļim – byus snīgs.
(Bērzgale 2013)
03-T1-V2-Mt316
Jo dzagūze beidz kiukot pirms Joņim – byus eisa vosora, agris solnys, jo pēc Joņim – byus gara vosora.
(Bērzgale 2013)
03-T1-V2-Mt315
Jo Joņu naktī stipri mauroj gūvis – byus slapdraņķis rudiņs.
(Bērzgale 2013)
03-T1-V2-Mt314
Jo Septeņu broļu dīnā lej, leis vēl septeņas nedēļas nu vītys.
(Bērzgale 2013)
03-T1-V2-Mt313
Jo šai dīnā leij leits, tys leis vēl 7 dīnas nu vītys, jo pēc 7 dīnom leits naporstoj, tod tys leis vēl 7 nedēļas.
(Bērzgale 2013)
03-T1-V2-Mt312
Jo šai dīnā speid saule – tei speidās vēl 7 dīnas nu vītys.
(Bērzgale 2013)
03-T1-V2-Mt311
Jo šai dīnā kūkūs lapeņas ir vysmoz kai peļu austeņis, tod byus loba vosora.
(Bērzgale 2013)
03-T1-V2-Mt310
Jo Jura dīnā vēl ustobā guni dadz – solnys nūkūž zīdus.
(Bērzgale 2013)
03-T1-V2-Mt309
Jo Jura dīnā ir jau zīdi – byus slapnys maijs.
(Bērzgale 2013)
03-T1-V2-Mt308
Jo Jura dīnā speid saule, labi padūsīs gurķi.
(Bērzgale 2013)
03-T1-V2-Mt307
Jo pirms jura dīnas zolī ir rosa, tod pirms Jākubim byus rudzi pļaujami.
(Bērzgale 2013)
03-T1-V2-Mt306
Jo Jura dīnā leiņoj – byus pļovos slykta zole.
(Bērzgale 2013)
03-T1-V2-Mt305
Jo leidz Jura dīnai vēl ladi uz azara – byus solta, slykta vosora.
(Bērzgale 2013)
03-T1-V2-Mt304
Jo Jurģūs lej gūvis dūs daudz pīna.
(Bērzgale 2013)
03-T1-V2-Mt303
Jo pirms Jurģim pārkiuņs ryuc – byus boda gods.
(Bērzgale 2013)
03-T1-V2-Mt302
Jo dzagūze 9 dīnas pēc Jurģim sok kiukot – byus silta un augleiga vosora.
(Bērzgale 2013)
03-T1-V2-Mt301
Kaids viejš Jura dīnā porsvorā pyuš, taids tū godu vysvairok pyuss.
(Bērzgale 2013)
03-T1-V2-Mt300
Jo Jura dīnā ir solna naktī, tod rudiņī ir gaidamys agris solnys.
(Bērzgale 2013)
03-T1-V2-Mt299
Jo Jura dīnā lei eisu breidi, tod byus lobs pavasars.
(Bērzgale 2013)
03-T1-V2-Mt298
Jo Jura dīna skaista – maijs byus vāss un slapnys.
(Bērzgale 2013)
03-T1-V2-Mt297
Kaids laiks Jura dīnā, taids Miķeļūs.
(Bērzgale 2013)
03-T1-V2-Mt296
Jo pēc Moras dīnas ir solts – byus solts rudiņs.
(Bērzgale 2013)
03-T1-V2-Mt295
Jo Moras dīnā īpyuš auksti vieji – tī pyuss vēl 6 nedeļas.
(Bērzgale 2013)
03-T1-V2-Mt294
Jo Moras naktī zeme sasaļ – rudiņī arī saļs, nabyus mīžu ražas.
(Bērzgale 2013)
03-T1-V2-Mt293
Jo Moras nakts silta – byus augleigs rudiņs un vyss gods.
(Bērzgale 2013)
03-T1-V2-Mt292
Jo Marijas dīnas naktī ūla stoba golā nasasaļ – byus silts pavasars.
(Bērzgale 2013)
03-T1-V2-Mt291
Jo soltums turīs vēl pēc Marijas dīnas – rudiņs byus solts.
(Bērzgale 2013)
03-T1-V2-Mt290
Jo rogovys navar apgozt 9 dīnas pirms Marijas dīnas, tod ar tom jobrauc vēl 9 dīnas pēc Marijas dīnas.
(Bērzgale 2013)
03-T1-V2-Mt289
Jo Marijas dīnā speid saule – byus augleigs gods.
(Bērzgale 2013)
03-T1-V2-Mt288
Kaida Marijas dīna, taids vyss nokušīs rudiņs.
(Bērzgale 2013)
03-T1-V2-Mt287
Jo Marijas dīnā saļ – saļs vāl 40 naktis.
(Bērzgale 2013)
03-T1-V2-Mt286
Kaids laiks Marijas vai moras dīnā, taids tys turēsīs vēl 40 dīnis.
(Bērzgale 2013)
03-T1-V2-Mt285
Jo Marijas dīnā pyuš solta viejš – pyuss vēl 6 nedeļis.
(Bērzgale 2013)
03-T1-V2-Mt284
Jo Marijas dīnā, saule uzspeid kaut tik, cik laika vajag zirgu ījiugt – byus lobs sīna laiks.
(Bērzgale 2013)
03-T1-V2-Mt283
Jo Marijas dīnas nakts un dīna skaidra un sylta – byus augleigs gods un loba pļauja.
(Bērzgale 2013)
03-T1-V2-Mt282
Jo Marijas dīnas naktī solst, tod nabyus daudz mušu, byus solts pavasars.
(Bērzgale 2013)
03-T1-V2-Mt281
Jo Marijas dīna slapna – byus slapnys pavasars.
(Bērzgale 2013)
03-T1-V2-Mt280
Jo Zaļajā caturdīna purina obelis, tod tū godu tos dūs daudz augļu.
(Bērzgale 2013)
03-T1-V2-Mt279
Jo lelo Pīkdīna ir skaidra – byus lobs sīna laiks.
(Bērzgale 2013)
03-T1-V2-Mt278
Leldīnās ūlas ādūt vāroj čaulys atdaleišonūs, jo tei ūlai labi laupos – augs lobi lyni, jo slikti laupās čaula – byus slykta raža.
(Bērzgale 2013)
03-T1-V2-Mt277
Jo saule Leldīnas reitā uzlācūt “tynās krekliņā” – byus solts pavasars.
(Bērzgale 2013)
03-T1-V2-Mt276
Jo Leldīnas reitā saule uzlāc spūdra – byus korsta vosora.
(Bērzgale 2013)
03-T1-V2-Mt275
Jo Lelajā pīkdīnā ir skaidrs laiks – byus leitaina vosora.
(Bērzgale 2013)
03-T1-V2-Mt274
Jo pirmajā Leldīnā leist, tys leis kotrā svātdīnā leidz Vosoras svātkim.
(Bērzgale 2013)
03-T1-V2-Mt273
Jo Zaļajās caturdīnas reitā ūla uz jumta nasasaļ – byus lobs laiks.
(Bērzgale 2013)
03-T1-V2-Mt272
Jo Zaļā caturdīnā saļ – saļs vēl 40 dīnu.
(Bērzgale 2013)
03-T1-V2-Mt271
Jo Meteņūs sauss laiks – byus ražeigs gods.
(Bērzgale 2013)
03-T1-V2-Mt270
Jo Meteņūs vierss uz ceļa zyrga pādā var nūdzertīs – byus lobs ražens gods.
(Bērzgale 2013)
03-T1-V2-Mt269
Metenī nadreikst vērpt, jo tad viejš plūsa ākas.
(Bērzgale 2013)
03-T1-V2-Mt268
Jo Aizgavienī ir snīgs uz jumtim – vosorā byus daudz sieņu un ūgu.
(Bērzgale 2013)
03-T1-V2-Mt267
Jo Aizgavēnis ir viejains – byus solts laiks.
(Bērzgale 2013)
03-T1-V2-Mt266
Kaids laiks Aizgavēnī, taids byus Leldīnā.
(Bērzgale 2013)
03-T1-V2-Mt265
Jo aizgavēnī atkusnis – byus loba raža.
(Bērzgale 2013)
03-T1-V2-Mt264
Jo Metenī snīgs uz jumtim – Leldīnas byus bez snīga.
(Bērzgale 2013)
03-T1-V2-Mt263
Agatas dīnas svieteitais iudiņs nūvierš nagaisus, ugunsgrākus, nūjam sopes un pasorgoj nu vysa ļauna.
(Bērzgale 2013)
03-T1-V2-Mt262
Jo Jazopa dīna loba – byus silta vosora.
(Bērzgale 2013)
03-T1-V2-Mt261
Saulaina Jozupa dīna sūla bogotu ražu.
(Bērzgale 2013)
03-T1-V2-Mt260
Šei ir arī Pītera krāsla dīna, jo 24.februarī ir lobs laiks – byus lobs, ražeigs gods.
(Bērzgale 2013)
03-T1-V2-Mt250
Mateisa dīnā jo ir lads, tū Mateiss lauza pušu, jo nav tod sasolda.
(Bērzgale 2013)
03-T1-V2-Mt249
Jo Sveču dīnā aizputynoti ceļi – byus leli plyudi pavasarī.
(Bērzgale 2013)
03-T1-V2-Mt248
Jo Sveču dīnā garis latakas – augs gari lyni.
(Bērzgale 2013)
03-T1-V2-Mt247
Jo ap Sveču dīnu viejains laiks – byus jauks pavasars.
(Bērzgale 2013)
03-T1-V2-Mt246
Jo Sveču dīnā pīsormojuši kūki – byus bogota vosora.
(Bērzgale 2013)
03-T1-V2-Mt245
Puteņi pirms Sveču dīnas kaisa graudus, pēc tos – pļauj.
(Bērzgale 2013)
03-T1-V2-Mt244
Jo Sveču dīnā silts laiks – byus agrs pavasars, jo solts laiks – byus slikta raža.
(Bērzgale 2013)
03-T1-V2-Mt243
Jo Sveču dīnā piļ latakys – byus lobs gods.
(Bērzgale 2013)
03-T1-V2-Mt242
Jo Sveču dīnā atkusnis – naaugs mīži, jo skaidrs laiks – sausa vosora.
(Bērzgale 2013)
03-T1-V2-Mt241
Jo snīg vai putinoj – byus silta vosora.
(Bērzgale 2013)
03-T1-V2-Mt240
Jo Sveču dīnāsaule speid kaut tik ilgi, komēr sajiudz zirgu, gaidama jauka vosora.
(Bērzgale 2013)
03-T1-V2-Mt239
Jo Sveču dīna saule gaiši speid, byus vēl vairoksnīgakā pirms tam snidzis.
(Bērzgale 2013)
03-T1-V2-Mt238
Jo ceļas vātra Sveču dīnā svieteitos zoles jomat ugunī, lai nagaiss porīt.
(Bērzgale 2013)
03-T1-V2-Mt237
Labi, ka Sveču dīnā breižim speid saule, breižim kreit snīgs, jo saule vīn speid – byus daudz ugunsgrāku.
(Bērzgale 2013)
03-T1-V2-Mt236
Jo ir pārkiuņa nagaiss, joaizdadz Sveču dīnā svieteitu sveci – tys pasorgos nu pārkiuņa.
(Bērzgale 2013)
03-T1-V2-Mt235
Jo ap Sveču dīnu sylts – atīs Leldīna ar snīgu.
(Bērzgale 2013)
03-T1-V2-Mt234
Jo Teņa dīna sausa – byus lobs, sauss sīna laiks.
(Bērzgale 2013)
03-T1-V2-Mt233
Jo Teņa dīnā nu jumta latakas nūpil tik daudz, ka gails var padzertīs – byus loba labeib as raža.
(Bērzgale 2013)
03-T1-V2-Mt232
Jo Teņa dīnā speid saule tikai eisu breidi, vosorā byus lobs sīna laiks.
(Bērzgale 2013)
03-T1-V2-Mt231
Jo Teņa dīnā speid saule, tymā godā labi brīss rudzi.
(Bērzgale 2013)
03-T1-V2-Mt230
Jo Teņa dīnā mygla – pavasarī gaidami leli plyudi.
(Bērzgale 2013)
03-T1-V2-Mt229
Jo Zvaigžņu dīnā speid saule, byus lobs gods, cylvāki byus mīreigi.
(Bērzgale 2013)
03-T1-V2-Mt228
Solta zvaigžņu dīna – solta Miķeļdīna.
(Bērzgale 2013)
03-T1-V2-Mt227
Cik Zvaigžņu dīnā pi debesim zvaigžņu, tik obuļu byus obelēs.
(Bērzgale 2013)
03-T1-V2-Mt226
Jo Zvaigžņu dīnas naktī pi debesim daudz zvaigžņu – byus augleigs ūgu, sieņu un lobs sīna laiks.
(Bērzgale 2013)
03-T1-V2-Mt225
Jo Trejkungu dīnā gaiļs var nūdzertīs pažūbelē – byus lobs, ražeigs gods.
(Bērzgale 2013)
03-T1-V2-Mt224
Jo debesis apmokušos un zvaigžņu nav – byus slikta raža.
(Bērzgale 2013)
03-T1-V2-Mt223
Jo pi debesim radzamas treis spūžas zvaigznes, kuris sauc par Treju kungu zvaigznem, tod nokomais gods byus augleigs.
(Bērzgale 2013)
03-T1-V2-Mt222
Jo nu 21.00. īstojās loba un gaiša nakts, tei ir loba zeime.
(Bērzgale 2013)
03-T1-V2-Mt221
Šai dīnā vāroja zeimes, lai nūteiktu kaids byus nokušīs gods.
(Bērzgale 2013)
03-T1-V2-Mt220
Jo Jaungoda naktī soltums kūž dagunā, vosora byus korsta.
(Bērzgale 2013)
03-T1-V2-Mt219
Zvaigžņota Jaungoda nakts sūla bogotu ražu, daudz ūgu, jāru, teļu, syvānu.
(Bērzgale 2013)
03-T1-V2-Mt218
Jaungoda snīgs nūzeimej bišu īnasumu, jo vairok snīga, jo vairok mada.
(Bērzgale 2013)
03-T1-V2-Mt217
Jo Jaungodā lauski sporda, vosorā byus daudz pārkiuņa.
(Bērzgale 2013)
03-T1-V2-Mt216
Kaids laiks Jaungodā, taids Pīterdīnā.
(Bērzgale 2013)
03-T1-V2-Mt215
Byus sauss un saulains laiks ja:
tolu atbalsi dzierd,
bezdeleigas augši lidoj,
dyumi nu škurstina kop uz augšu,
saule vokorā skaidra nūrīt.
(Bērzgale 2013)
03-T1-V2-Mt214
Jo vokorā zīmeļu pusī apmocīs, nokušā dīnā byus leits.
(Bērzgale 2013)
03-T1-V2-Mt213
Jo pi debesism vokorā ir sorkonys streipis, tod ūtrā dīnā byus stiprs viejš.
(Bērzgale 2013)
03-T1-V2-Mt212
Jo pirmīs pākiuņs nūīt padīnvidu pusi, byus silta vosora, jo p a zīmeļu pusi – solta.
(Bērzgale 2013)
03-T1-V2-Mt211
Jo pavasarī leli plyudi – byus sausa vosora.
(Bērzgale 2013)
03-T1-V2-Mt210
Jo molka dagdama krosnī sprakstinej – byus leli soltimi.
(Bērzgale 2013)
03-T1-V2-Mt209
Jo dyumi nu pļitis īt ustobā – byus leits.
(Bērzgale 2013)
03-T1-V2-Mt208
Jo ūgle izkreitūt nu krosnis nūskaņ – paliks soltoks laiks.
(Bērzgale 2013)
03-T1-V2-Mt207
Jo parodos varaveiksna – byus lels leits.
(Bērzgale 2013)
03-T3-V2-Mt206
Ja bērzam lapas metas dzeltenas no lejas – būs ilgs rudens, ziema iestāsies vēlu.
(Bērzgale 2013)
03-T3-V2-Mt205
Ja pīlādžiem daudz ogu rudenī, būs lietains laiks.
(Bērzgale 2013)
03-T1-V2-Mt204
Jo akmiņs sok syunot zīmeļu pusī – byus dziļa zīma.
(Bērzgale 2013)
03-T1-V2-Mt203
Jo obuļeņš nāatver zīdus – byus pārkiuņs un leits.
(Bērzgale 2013)
03-T1-V2-Mt202
Jo ūzols salopoj pēc ūša – byus sausa vosora.
(Bērzgale 2013)
03-T1-V2-Mt201
Jo bogoteigi īvas zīd – bogoteigi rudzi zīdēs.
(Bērzgale 2013)
03-T1-V2-Mt200
Jo nu bārza tak daudz sulu – byus leitaina vosora.
(Bērzgale 2013)
03-T1-V2-Mt199
Jo bolto obuļeņa teirumā vairok kai sorkono – byus jauka vosora.
(Bērzgale 2013)
03-T1-V2-Mt198
Jo agri plaukst kūki, agri josok labeibas sēja.
(Bērzgale 2013)
03-T1-V2-Mt197
Jo augļu kūki zīd pylnā mienesī – byus daudz augļu.
(Bērzgale 2013)
03-T1-V2-Mt196
Jo rudzu vorpas rūbainas – solta vosora, solts, agrs rudiņs.
(Bērzgale 2013)
03-T1-V2-Mt195
Jo virši vairok zīd nu golūtnis, soltums noks lānok, bet byus stiproks.
(Bērzgale 2013)
03-T1-V2-Mt194
Jo vosorā stipri zīd boltais obuļeņš – byus leitains rudiņs.
(Bērzgale 2013)
03-T1-V2-Mt193
Jo pīlādzim leli ūgu ķekari – byus solta zīma.
(Bērzgale 2013)
03-T1-V2-Mt192.
Jo lozdonī daudz rīkstu – zīmys sokumā byus daudz snīga.
(Bērzgale 2013)
03-T1-V2-Mt191
Jo mežā kūki sok šņokt – gaidams leits.
(Bērzgale 2013)
03-T1-V2-Mt190
Jo labeibai mozys vorpys – byus nikna, dziļa zīma.
(Bērzgale 2013)
03-T1-V2-Mt189
Jo viejš kūku lopas grīž uz reitu pusi – byus leits.
(Bērzgale 2013)
03-T1-V2-Mt188
Jo īvom moz ūgu – byus lāna silta zīma.
(Bērzgale 2013)
03-T1-V2-Mt187
Jo lapegļom skujas nūdzeltiejušas – gaidams soltums.
(Bērzgale 2013)
03-T1-V2-Mt186
Jo ķiršim nav nūkritušas vysas lopas – snīgs nanūturāsīs.
(Bērzgale 2013)
03-T1-V2-Mt185
Jo sakņaugim nūlupošys lopys, gaidams leits.
(Bērzgale 2013)
03-T1-V2-Mt184
Jo Kallai “osori’lopys – byus leits.
(Bērzgale 2013)
03-T1-V2-Mt183
Jo bārzi sok dzeltāt nu apakšas rudiņs byus ilgstūšs un zīma vāla.
(Bērzgale 2013)
03-T1-V2-Mt182
Jo pīlādzī ir daudz ūgu – byus leitains rudiņs.
(Bērzgale 2013)
03-T1-V2-Mt181
Jo pyupūlūs ir moz zorūs pyupaleņu – byus vāls pavasars.
(Bērzgale 2013)
03-T1-V2-Mt180
Jo bārzi pat mozā viejā šalc – byus aukstums.
(Bērzgale 2013)
03-T1-V2-Mt179
Jo pīneņu zīdi atveras – byus saulains, jo saraujas zīdi – byus leits.
(Bērzgale 2013)
03-T1-V2-Mt178
Jo zīdi sok spieceigi smaržot – byus leits.
(Bērzgale 2013)
03-T1-V2-Mt177
Jo apses stipri dreb – gaidams negaiss.
(Bērzgale 2013)
03-T1-V2-Mt176
Jo daudz pīlādžu vai ūzula zeiļu – byus slapnys rudiņs.
(Bērzgale 2013)
03-T1-V2-Mt175
Jo eglem čīkuri golūtnēs – vosora byus sausa.
(Bērzgale 2013)
03-T1-V2-Mt174
Ja meža zvēri –cūkas, aļņi, stirnas, zaķi- nāk dārzā – būs auksts laiks.
(Bērzgale 2013)
03-T1-V2-Mt173
Jo zaķis guļ virs snīgs – byus putins, jo ierušinojās snīgā – byus atkusnis.
(Bērzgale 2013)
03-T1-V2-Mt172
Jo zaķi nok uz moju dorzu – vēl ilgi byus borga zīma.
(Bērzgale 2013)
03-T1-V2-Mt171
Jo vosorā zaķi nok uz lauka – byus leits.
(Bērzgale 2013)
03-T1-V2-Mt170
Jo zaķi klīdz – dreiži byus silts laiks.
(Bērzgale 2013)
03-T1-V2-Mt169
Jo vilki gaudoj – byus leli soltumi.
(Bērzgale 2013)
03-T1-V2-Mt168
Jo voveres pa zemi staigoj – byus lobs laiks.
(Bērzgale 2013)
03-T1-V2-Mt167
Jo vokorā redz ezi staigojom – ūtrā dīnā leis.
(Bērzgale 2013)
03-T1-V2-Mt166
Jo vokorā suņi skaņi rej – reit byus lobs laiks.
(Bērzgale 2013)
03-T1-V2-Mt165
Suņs skrīn ar izkortu mēli – byus silts.
(Bērzgale 2013)
03-T1-V2-Mt164
Suņs skrīn ar nūkortu asti – byus leits.
(Bērzgale 2013)
03-T1-V2-Mt163
Suņs dzer nu peļķēm – byus leits.
(Bērzgale 2013)
03-T1-V2-Mt162
Jo suņi klusi un biedeigi – byus leits.
(Bērzgale 2013)
03-T1-V2-Mt161
Suņs dīnā līkās gulēt – byus slykts laiks.
(Bērzgale 2013)
03-T1-V2-Mt160
Suņs lein ustobā gulēt – byus auksts laiks.
(Bērzgale 2013)
03-T1-V2-Mt159
Jo lūpi pusdīnos ar muti tver gaisu, gaidams leits.
(Bērzgale 2013)
03-T1-V2-Mt158
Jo suņs snīgā vortās – byus snīgputenis.
(Bērzgale 2013)
03-T1-V2-Mt157
Jo suņs ād zoli – byus leits.
(Bērzgale 2013)
03-T1-V2-Mt156
Jo varžu pirmīs norsts apsaļ – byus vāls rudiņs.
(Bērzgale 2013)
03-T1-V2-Mt155
Jo tikkū nūķertai zivei tū teirūt ir daudz ašņa – byus leits.
(Bērzgale 2013)
03-T1-V2-Mt154
Jo dīnā zivs šaudos – byus leits.
(Bērzgale 2013)
03-T1-V2-Mt152
Jo vokorā zivs lākoj – byus jauks laiks.
(Bērzgale 2013)
03-T1-V2-Mt151
Jo vēži līn krostā un sausumā – byus leits, jo īt pa upes vydu – byus pārkiuņs.
(Bērzgale 2013)
03-T1-V2-Mt150
Jo zivs laiž burbuļus – byus leits.
(Bērzgale 2013)
03-T1-V2-Mt149
Jo zirgam nogi sveist – byus silts laiks.
(Bērzgale 2013)
03-T1-V2-Mt148
Jo zirgs vortās – byus leits.
(Bērzgale 2013)
03-T1-V2-Mt147
Jo gūvi slaucūt pīns putojās – byus leits.
(Bērzgale 2013)
03-T1-V2-Mt146
Jo gūvs gaisu ūšņoj – byus leits vai pārkiuņs.
(Bērzgale 2013)
03-T1-V2-Mt145
Jo gūvs agri nūmat spolvu – byus agrs pavasars.
(Bērzgale 2013)
03-T1-V2-Mt144
Jo gūvs bizoj, gaidams pārkiuņs.
(Bērzgale 2013)
03-T1-V2-Mt143
Jo kači ād zoli – byus leits.
(Bērzgale 2013)
03-T1-V2-Mt142
Jo kačs vokorā ņaud – byus viejš.
(Bērzgale 2013)
03-T1-V2-Mt141
Jo kačs voļojās pa zemi - byus silts laiks.
(Bērzgale 2013)
03-T1-V2-Mt140
Jo kačs iudiņi lūk – byus silts.
(Bērzgale 2013)
03-T1-V2-Mt139
Jo kačs ar nogim plieš – byus viejains.
(Bērzgale 2013)
03-T1-V2-Mt138
Jo kačs žovojās – byus leits.
(Bērzgale 2013)
03-T1-V2-Mt137
Jo kačs sād uz myureiša – byus solts laiks.
(Bērzgale 2013)
03-T1-V2-Mt136
Jo kačs kosa koklu un golvu – byus leits.
(Bērzgale 2013)
03-T3-V2-Mt135
Ja lopi ēd zāli pa kušķīšiem – ziema būs īsa.
(Bērzgale 2013)
03-T3-V2-Mt134
Ja lopi ir izēduši zāli no vietas – būs gara, auksta ziema.
(Bērzgale 2013)
03-T1-V2-Mt133
Jo vosorā ēdeleigas gūvis – byus gara zīma.
(Bērzgale 2013)
03-T1-V2-Mt132
Jo gūvs pakaļu pret bārzu kosa – byus leits.
(Bērzgale 2013)
03-T1-V2-Mt131
Jo gūvs pirmajā gonu dīnā ir mīreiga – byus solta vosora.
(Bērzgale 2013)
03-T1-V2-Mt130
Jo maijvaboles lidoj leidz tymsam – byus lobs laiks.
(Bērzgale 2013)
03-T1-V2-Mt129
Jo spornotos skudris laidelejos – byus silts laiks.
(Bērzgale 2013)
03-T1-V2-Mt128
Jo ūdi vokorā lidoj komoļūs – byus korsts laiks, jo stabveida – byus vātra.
(Bērzgale 2013)
03-T1-V2-Mt127
Jo vokorā sīnoži sisinoj – byus reitā skaista dīna.
(Bērzgale 2013)
03-T1-V2-Mt126
Jo bites lidoj jau nu agra reita – byus skaidrs, jo sēd pīplokušis pi sīnis – sagaidams leits.
(Bērzgale 2013)
03-T1-V2-Mt125
Kuru labeibu peles vairok ād, tei byus dorgoka.
(Bērzgale 2013)
03-T1-V2-Mt124
Jo pavasarī daudz ūdu – byus slapna, leitaina vosora.
(Bērzgale 2013)
03-T1-V2-Mt123
Jo pavasarī daudz mājvaboļu – byus korsta vosora.
(Bērzgale 2013)
03-T1-V2-Mt122
Jo varžu norsta laikā lobs laiks, tys byus lobs arī rudzzīdu laikā.
(Bērzgale 2013)
03-T1-V2-Mt121
Jo vardes pavasarī daudz pa iudiņi dzeivoj – byus leitaina vosora.
(Bērzgale 2013)
03-T1-V2-Mt120
Jo kurmis pavasarī saceļ daudz rokumu – byus sausa vosora.
(Bērzgale 2013)
03-T1-V2-Mt119
Jo pavasarī daudz krupju – byus sausa vosora.
(Bērzgale 2013)
03-T1-V2-Mt118
Jo bites lidoj augši – byuslobs laiks.
(Bērzgale 2013)
03-T1-V2-Mt117
Jo vardi radz snīgā – byus korsta vosora.
(Bērzgale 2013)
03-T1-V2-Mt116
Jo nūsyt ziernekļi – sagaidams leits.
(Bērzgale 2013)
03-T1-V2-Mt115
Jo bišu strūpu izberžm ar vīgrīžim, tod tur labi bitis dzeivoj.
(Bērzgale 2013)
03-T1-V2-Mt114
Jo redz skudris ar spornim – byus leits.
(Bērzgale 2013)
03-T1-V2-Mt113
Jo lauks porklots ar ziernekļu teiklim – byus sauss, jauks laiks.
(Bērzgale 2013)
03-T1-V2-Mt112
Jo skudras sovus pyulīņus augši savylkušas – byus solta zīma.
(Bērzgale 2013)
03-T1-V2-Mt111
Jo vardes vosorā stipri kurkst - byus lobs laiks.
(Bērzgale 2013)
03-T1-V2-Mt109
Jo vardes stipri kurkst kā bļaustoties – byus leits.
(Bērzgale 2013)
03-T1-V2-Mt108
Jo rudiņs pusī ziernekļi tīmek;lus valk – byus saulaons laiks.
(Bērzgale 2013)
03-T1-V2-Mt107
Jo īraugs pirmū reizi vardi iudiņī – byus slapna vosora, jo uz zemes – sausa.
(Bērzgale 2013)
03-T1-V2-Mt106
Jo pēc pirmo snīga kurmi cyloj dorzu – snīgs ilgi nasaturās.
(Bērzgale 2013)
03-T1-V2-Mt105
Jo oktobrī vēl daudz lapseņu, gaidama gara zīma.
(Bērzgale 2013)
03-T1-V2-Mt104
Jo ūdi stipri kūž, gaidoms leits.
(Bērzgale 2013)
03-T1-V2-Mt103
Jo peles valk mygu – byus leits.
(Bērzgale 2013)
03-T1-V2-Mt102
Jo kurmis zīmā rūk – byus eisa zīma.
(Bērzgale 2013)
03-T1-V2-Mt101
Jo ziernekļi pyn teiklus dīnā – byus sylts laiks.
(Bērzgale 2013)
03-T1-V2-Mt100
Mušas sopeigi kūž pret leitu.
(Bērzgale 2013)
03-T1-V2-Mt99
Jo bites agri izlidoj – byus skiadrs laoks.
(Bērzgale 2013)
03-T1-V2-Mt98
Jo slīkas lein zemes vierspusī – byus leits.
(Bērzgale 2013)
03-T1-V2-Mt97
Jo vystas īt vālu guļāt nokušā dīnā byus leits.
(Bērzgale 2013)
03-T1-V2-Mt96
Jo soltumā dzīd gaiļs – paliks syltoks.
(Bērzgale 2013)
03-T1-V2-Mt95
Jo vosorā vystas ilgi palīk loktā, tod byus sylts ungars rudiņs.
(Bērzgale 2013)
03-T1-V2-Mt94
Jo vystys agri coļus atstoj – byus eisa vosora.
(Bērzgale 2013)
03-T1-V2-Mt93
Jo jaunī gaileiši sok agri dzīdot – byus agrs rudiņs.
(Bērzgale 2013)
03-T1-V2-Mt92
Jo coļi īt agri guļāt – byus agrs rudiņs.
(Bērzgale 2013)
03-T1-V2-Mt91
Jo lela soltuma laikā gaiļi agri dzīd – kļius syltok.
(Bērzgale 2013)
03-T1-V2-Mt90
Jo leita laikā gaiļs asti nūlaidis – leis ilgi.
(Bērzgale 2013)
03-T1-V2-Mt89
Peiles īt uz lada – byus slapni laiks.
(Bērzgale 2013)
03-T1-V2-Mt88
Jo peiles daudz pēkšķ – leis, jo iudiņī perās – nalīs.
(Bērzgale 2013)
03-T1-V2-Mt87
Jo gaiļs dzīd pi vokora – laiks maineisīs, jo dzīd dīnas vydā – byus sauss laiks, jo dzīd spornus sisdams – byus leits.
(Bērzgale 2013)
03-T1-V2-Mt86
Jo coļi stipri čīpst – byus slykts laiks.
(Bērzgale 2013)
03-T1-V2-Mt85
Jo vystom meigsti māsli – byus aukstims, jo cīti – byus solts.
(Bērzgale 2013)
03-T1-V2-Mt84
Jo vystas ilgi sēd loktā – byus lobs laiks, jo agri ceļās līs.
(Bērzgale 2013)
03-T1-V2-Mt83
Jo vystas kņoboj zoli – byus leits.
(Bērzgale 2013)
03-T1-V2-Mt82
Jo zūss vīnu koju sylda pi kryuts – byus solts laiks.
(Bērzgale 2013)
03-T1-V2-Mt81
Jo vystas bīži kladzina – byus leits.
(Bērzgale 2013)
03-T1-V2-Mt80
Jo peiles ceļās spornūs – byus viejš. Jo vystys ilgi kašās pa dorzu – byus laika pormaiņas.
(Bērzgale 2013)
03-T1-V2-Mt79
Jo vystas un gailis sok laukā pucētīs – byus leits.
(Bērzgale 2013)
03-T1-V2-Mt78
Jo vystas purinojās – byus viejš, jo smiltīs perās – byus leits.
(Bērzgale 2013)
03-T1-V2-Mt77
Jo vystys leita laikā nasliepās, leits nabyus ilgi.
(Bērzgale 2013)
03-T1-V2-Mt76
Jo vystys vokorā agri loktā salc, gaidams lobs.
(Bērzgale 2013)
03-T1-V2-Mt75
Jo vystys loktā īskojās – byus nūkrišņi.
(Bērzgale 2013)
03-T1-V2-Mt74
Jo kaijas daudz peldīs – byus slykts laiks.
(Bērzgale 2013)
03-T1-V2-Mt73
Jo kaijas uzturās jyuras krostūs – byus nagaiss.
(Bērzgale 2013)
03-T1-V2-Mt72
Jo kaijas atlidoj – dreiž īs lads.
(Bērzgale 2013)
03-T1-V2-Mt71
Jo gulbi un dzērves aizlidoj augši gaisā, tod dziļa zīma, jo lidoj zamu, tod sakla zīma.
(Bērzgale 2013)
03-T1-V2-Mt70
Jo grīze grīž labeibas laukā – šeit labeiba kriss veldrē.
(Bērzgale 2013)
03-T1-V2-Mt69
Jo pavasarī agri grīze grīž – labi augs obuļeņš.
(Bērzgale 2013)
03-T1-V2-Mt68
Jo grīze grīž rudzūs – byus slapna vosora, bet jo grīze grīž pļovos – byus sausa vosora.
(Bērzgale 2013)
03-T1-V2-Mt67
Jo vokorūs skaļi un ilgi grīž grīzes, tod byus lobs laiks.
(Bērzgale 2013)
03-T1-V2-Mt66
Jo dzagūze vokorā ilgi kiukoi – byus lobs laiks.
(Bērzgale 2013)
03-T1-V2-Mt65
Jo bezdeleigas vēl pēc Miķeļim byus gaišs rudiņs.
(Bērzgale 2013)
03-T1-V2-Mt64
Jo strodi agri īrūdās – byus sylta un gara vosora.
(Bērzgale 2013)
03-T1-V2-Mt63
Jo dzērvis atgrīžūtīs lidoi nūteiktos rindos – byus korsta vosora, jo lidoj izklaidus – byus leitaina vosora.
(Bērzgale 2013)
03-T1-V2-Mt62
Jo cīlovys šaudos sausā vītā – byus sauss laiks.
(Bērzgale 2013)
03-T1-V2-Mt61
Jo bezdeleiga porlaižūtīs načivynoj – byusleitains laiks.
(Bērzgale 2013)
03-T1-V2-Mt60
Jo putni pucejās kūku golūtnēs – byus viejains, solts laiks.
(Bērzgale 2013)
03-T1-V2-Mt59
Jo dzagūze aizkiukoi leidz Pīterdīnai – byus sylts rudiņs.
(Bērzgale 2013)
03-T1-V2-Mt58
Jo zvierbuļi pulcejās borūs un trūkšņoj – byus putins un vālok atkusnis.
(Bērzgale 2013)
03-T1-V2-Mt57
Jo zvierbuļi kūkūs stipri čyvynoj, gaidams soltoks laiks.
(Bērzgale 2013)
03-T1-V2-Mt56
Jo kraukļi pa iudiņi perās – byus sylts laiks.
(Bērzgale 2013)
03-T1-V2-Mt55
Jo kovārni nu reita brāc – byus leits.
(Bērzgale 2013)
03-T1-V2-Mt54
Jo dzagūze kiukoi sausā kūkā, byus solts laiks.
(Bērzgale 2013)
03-T1-V2-Mt53
Jo bezdeleigas lein ligzdos – byus pārkiuņs.
(Bērzgale 2013)
03-T1-V2-Mt52
Jo bolūži skaļi un daudz dūdoj – byus lobs laiks.
(Bērzgale 2013)
03-T1-V2-Mt51
Jo vysi putni laižas prūm gondreiž reizē – byus stipri solta zīma.
(Bērzgale 2013)
03-T1-V2-Mt50
Jo dzagūze kiukoi 9 dīnas pēc Joņim – 9 dīnas p]ec Miķeļim byus snīgs.
(Bērzgale 2013)
03-T1-V2-Mt49
Jo dzagūze beidz kiukot pēcJoņa dīnas – byus gara vosora.
(Bērzgale 2013)
03-T1-V2-Mt48
Jo dzagūze vokorā ilgi kiukoi – byuslobs laiks.
(Bērzgale 2013)
03-T3-V2-Mt47
Ja zosis lido – būs salna, ja gulbji – sniegs.
(Bērzgale 2013)
03-T3-V2-Mt46
Ja dzērves lido augstu debesīs, ziemā būs daudz sniega.
(Bērzgale 2013)
03-T3-V2-Mt45
Ja gājputni lido augstu debesīs un ļoti steidzas – ļoti ātri uznāks salnas.
(Bērzgale 2013)
03-T1-V2-Mt44
Jo dzērves lidoaugstu un skaļi kliedz – būs silta vasara.
(Bērzgale 2013)
03-T1-V2-Mt43
Jo dzērves laižas augši – byus lobs laiks, tuvojās zīma, jo zamu – jau trešā dīnā byus solna.
(Bērzgale 2013)
03-T1-V2-Mt42
Jo dzērves lidojot skaļi kliedz – saglobosīs lobs laiks.
(Bērzgale 2013)
03-T1-V2-Mt41
Jo zīlītes lido pie loga – gaidams auksts laiks.
(Bērzgale 2013)
03-T1-V2-Mt40
Jo gulbi aizalaiž trešā dīnā byus snīgs.
(Bērzgale 2013)
03-T1-V2-Mt39
Jo gulbi mozgojās – byus leits.
(Bērzgale 2013)
03-T1-V2-Mt38
Jo putni perās smiltīs vai iudiņī – byus leits.
(Bērzgale 2013)
03-T1-V2-Mt37
Žogotys nok pi sātys uz sl’yktu laiku.
(Bērzgale 2013)
03-T1-V2-Mt36
Kur dzeivoj bezdeleigas, tur naspers pārkiuņs.
(Bērzgale 2013)
03-T1-V2-Mt36
Jo zvierbuļi lein paspārnēs – byus putens.
(Bērzgale 2013)
03-T1-V2-Mt35
Jo laksteigola vokorā ilgi dzīd – byus skaists laiks.
(Bērzgale 2013)
03-T1-V2-Mt34
Jo kovārni vokorā losos borūs un skaļi klīdz – byus jauks laiks.
(Bērzgale 2013)
03-T1-V2-Mt33
Jo čyvinoj zvierbuļi – byus slykts laiks.
(Bērzgale 2013)
03-T1-V2-Mt32
Jo kaijas lidoj nu jyuras uz sauszemi, gaidama vātra.
(Bērzgale 2013)
03-T1-V2-Mt32
Jo bezdeleigas, atlidojušas nu syltom zemem, nūsamat uz salapojuša kūka – byus slapjš laiks.
(Bērzgale 2013)
03-T1-V2-Mt31
Jo bezdeleiga zemi laižas – byus leits.
(Bērzgale 2013)
03-T1-V2-Mt30
Jo bezdeleiga šaudos gon augšā, gon lejā – byus nagaiss.
(Bērzgale 2013)
03-T1-V2-Mt29
Jo strodi pa zemi staigoj – byus slapnys laiks.
(Bērzgale 2013)
03-T1-V2-Mt28
Strodi rudinī borūs pa kūkim – pret leitu.
(Bērzgale 2013)
03-T1-V2-Mt28
Strodi rudinī čārc pret leitu.
(Bērzgale 2013)
03-T1-V2-Mt27
Žogotys smaida pret nagaisu.
(Bērzgale 2013)
03-T1-V2-Mt26
Jo pavasarī sok dzīdot žube, gaidoms solts laiks.
(Bērzgale 2013)
03-T1-V2-Mt25
Jo paipala klīdz pavasarī – gaidoms leits.
(Bērzgale 2013)
03-T1-V2-Mt25
Jo siksporni lidij pēc saulis rīta – byus skaidrs laiks.
(Bērzgale 2013)
03-T1-V2-Mt24
Jo pavasarī sok grīzt grīze – īstosīs saulains laiks.
(Bērzgale 2013)
03-T1-V2-Mt23
Jo kurmi lein orā nu zemes – byus leits, jo sliepās - byus skaidrs laiks.
(Bērzgale 2013)
03-T1-V2-Mt22
Jo rubuļs rubynoj nu reita leidz pusdīnom – byus lobs laiks.
(Bērzgale 2013)
03-T1-V2-Mt21
Jo rubuļs rubynoj pīvakarī leidz tymsam, tod naktī byus leits.
(Bērzgale 2013)
03-T1-V2-Mt20
Jo vornas augši lidinās – byus soltima, jo zamu – byus sylts laiks.
(Bērzgale 2013)
03-T1-V2-Mt19
Jo volyudzei teira, skaļa balss – byus lobs laiks, jo teipēc saulrīta ķērc – gaidams leits.
(Bērzgale 2013)
03-T1-V2-Mt18
Jo vornas tip stoba golā – vēl ilgi leis.
(Bērzgale 2013)
03-T1-V2-Mt17
Jo vornas ligzdas taisa zamu – byus slapna vosora, plyudi.
(Bērzgale 2013)
03-T1-V2-Mt16
Vornas snauž - byus slykts laiks.
(Bērzgale 2013)
03-T1-V2-Mt15
Uz kuru pusi vornas vokorā skrīn gul’’et, nu tos puses byus viejš.
(Bērzgale 2013)
03-T1-V2-Mt14
Vorna perās pa snīgu – byus silts laiks.
(Bērzgale 2013)
03-T1-V2-Mt13
Vorna krāc pret siltu laiku.
(Bērzgale 2013)
03-T1-V2-Mt12
Vorna nok mojos – byus aukstumi.
(Bērzgale 2013)
03-T1-V2-Mt11
Jo vorna sēd snīgā – byus atkusnis.
(Bērzgale 2013)
03-T1-V2-Mt10
Jo vorna staigoj pa ceļu – gaidoms sliktoks laiks.
(Bērzgale 2013)
03-T1-V2-Mt9
Jo vornas skrīn pret vieju – byus siltoks.
(Bērzgale 2013)
03-T1-V2-Mt8
Jo vornas lein kūku zorūs – byus solts laiks.
(Bērzgale 2013)
03-T1-V2-Mt7
Jo vornas sēd uz mīta golim, gaidomi nūkrišņi.
(Bērzgale 2013)
03-T1-V2-Mt6
Jo ceiruļi dzīd agri pavasarī, tad ilgi vēl būs snīgs.
(Bērzgale 2013)
03-T1-V2-Mt5
Jo vornas sēd bārza golūtnēs – byus soltums, jo vornas sēd zemē – byus silts laiks.
(Bērzgale 2013)
03-T1-V2-Mt4
Jo ceiruļi augsti lidoj i dzīd – byus jauks laiks.
(Bērzgale 2013)
03-T1-V2-Mt3
Ceiruļs īsok dzīdot jaunā mienesī – byus bogots gods.
(Bērzgale 2013)
03-T1-V2-Mt2
Jo ceiruļi dzīd skani – byus silts laiks.
(Bērzgale 2013)
03-T1-V2-Mt1
Jo ceiruļi dzīd vosorā – ūtrā dīnā leis.
(Bērzgale 2013)
02-T11-V6-Bt2
Zīmyssvātkūs vai Jaunuo goda vokorā vajagūt īt iz krysceļim i tod kū pasiāt. I tod sapynā redziāsi sovu nuokomū veiru.
(Lendži 2013)
02-T5/6-V6-Bt11
Zīmyssvātkūs juoād 9 iedīņi.
(Lendži 2013)
02-T1-V2-Bt19
Tos zvaigzņis kur kreit, mierst cylvāks.
(Lendži 2013)
02-T1-V2-Bt6
Tīm, kam ļauna acs, tī ir apbaruotī bierņeņi, tī nau ļauni cylvāki, jīm prosta ir acs ļauna. Kod bierneņi baroj ar kryuti, ņikod nadreikst ņikur īt nu muojis. Kai puori pusnakts atbraucs pabaruosi, piec – apbaruots bārns skaituos. Jis pazavārs iz lūpa, cylvāka – nalaimi ņass.
(Lendži 2013)
02-T7-V1-Dt12
Škūrstynu teirej vacā mienesī.
(Lendži 2013)
02-T6-V4-Bt11
Spožas zvaigznes vēstī par labu laiku, blāvas – par lietu.
(Lendži 2013)
02-T20-V3-Bt1
Seipulus i kuopustus stuoda tymā dīnā, kod izkreit pyrmīs snīgs.Rudins atīs, cytam godam statiesi i tymā dīnā- i moš svātdīņ īkritīs voi sastdīņ, a tod puoris por zīmu. Sastdīņ i svātdīņ stoti, sok, lobi aug i nav ņikuo taida- ņi tuorpu, ņi kuo. Seipulūs vairuok sakņūs nav taidu kukaiņeišu.
(Lendži 2013)
02-T1-V2-Bt2
Sausa zuolieta, byus leits. Juo lela rosa, ņikod leita nabyus.
(Lendži 2013)
02-T1-V2-Bt3
Sauļeita nūrīt skaidri – lobs laiks, ja muokūņī nūļein, nūteikti leits.
(Lendži 2013)
02-T6-V4-Bt5
Sarma vēstī labu laiku.
(Lendži 2013)
02-T1-V2-Bt16
Sapņi izapylda pīktīņuos.
(Lendži 2013)
02-T5/6-V6-Bt9
Rūžu zīdlapeņis ļīk iudiņī, lai sīva mozgojās un ir skaista.
(Lendži 2013)
02-T6-V4-Bt7
Reti mākoņi – būs skaidrs un auksts laiks.
(Lendži 2013)
02-T7-V1-Dt1
Pyrmūdiņ un pīktdiņ nasuok dorbus, tod tī nazaveicās.
(Lendži 2013)
02-T11-V6-Bt1
Pyrms Juoņim nūpļieš tū puči – divradzi i nūļīk. I ka juos izzīd, tod jau tymā godā izīs pi veira.
(Lendži 2013)
02-T2-V3-Bt2
Puori slīkšņam nadreikst slaucēt māslus uorā. Sazasveicinuotīs navar, navar naudu dūt, cytaidi sazastreidiesīs.
(Lendži 2013)
02-T6-V4-Bt1
Pirms lietus mēness ir blāvs un bāls, pirms saulaina laika – tīrs un spožs
(Lendži 2013)
02-T1-V2-Bt26
Pīlādži sorgoj nu ļaunuma.
(Lendži 2013)
02-T5/6-V6-Bt3
Pi muojom ļīk peiladžu zorus, lai ļauny gori naīt.
(Lendži 2013)
02-T5/6-V6-Bt1
Pi golda nadreikst kuojis kustynuot, pļuopuot, puoruok smītīs. Jius čortu kustinoit.
(Lendži 2013)
02-T5/6-V6-Bt13
Pavasarī lopus ved ganos, lai mošķi neēd pa vasaru.
(Lendži 2013)
02-T1-V2-Bt28
Nu uobeļis loba aura.
(Lendži 2013)
02-T2-V3-Bt1
Nikaidā gadejumā pa lūgu nadreikst nikū uorā svīst, tod Laimes muotei aizsvīž acs cīt.
(Lendži 2013)
02-T5/6-V6-Bt2
Navar ļīt puori rūkai (atsprieklī), tod nalabū nu sevis nūvieļej cytam.
(Lendži 2013)
02-T7-V1-Dt2
Nadūt nikuo ūtram puori slīkšņam.
(Lendži 2013)
02-T1-V2-Bt18
Nadreiksts miņāt zvaigznis, ja atmiņeisi sovu - nūmiersi.
(Lendži 2013)
02-T1-V2-Bt33
Nadreikst slaucāt puori slīksnim, var aizslaucāt laimi.
(Lendži 2013)
02-T5/6-V6-Bt7
Nadreikst pi spūguļa rauduot, jis sārys i nalobu enerģiju uotri uzņem. Juomozgoj spūguļs.
(Lendži 2013)
02-T1-V2-Bt10
Nadreikst peļdātīs da Vosoryssvātku, kod vosorys svātki puoryt, Dīvs īsvīž syltū akmiņi azarā. Nasvieteits iudiņš – var saslimt.
(Lendži 2013)
02-T1-V2-Bt34
Nadreikst par zoļuom paļdis socāt, tod naizadarbuoj.
(Lendži 2013)
02-T6-V4-Bt6
Mākoņi zemu nolaižas būs slikts laiks
(Lendži 2013)
02-T5/6-V6-Bt14
Ļeldīņuos šiupuojuos, lai ūdi naād.
(Lendži 2013)
02-T1-V2-Bt35
Ļauni cylvāki vai čaravņīki Lelyjā Caturtdīnā vai Ļeigū vuokorā īt uz kopim – ļaunu dorāt cylvākim.
(Lendži 2013)
02-T7-V1-Dt11
Lītys kūku cierš jaunā mienesī, molku – vacā.
(Lendži 2013)
02-T1-V2-Bt8
Ķemmām motus, kur apiņi aug, lai garuoki, labi augtu.
(Lendži 2013)
02-T5/6-V6-Bt8
Kuozuos veiram sīn prīkšautu, lai paļeidz dorbūs.
(Lendži 2013)
02-T21-V2-Bt3
Kuodreiz vor redzēt ļūti skaistys i zvaigžņuotys debesis, tys arī iz uz lobu izodūšonūs.
(Lendži 2013)
02-T1-V2-Bt15
Krysta dīnuos ir zuoļis dīna. Īstateisi - naizīsi nu duorza, byus juoravej. Krysta dīnis ir maja suokumā, kod pi kristeņa īt (10 dīnys).
(Lendži 2013)
02-T6-V4-Bt4
Krīt sīka krusa – pēc nedēļas gaidāms sals.
(Lendži 2013)
02-T1-V2-Bt11
Kod pārkiuņs satricinoj, tod zemei ir augleiba.
(Lendži 2013)
02-T21-V2-Bt4
Kod mienesī gaismys duorzs – uz lobu veseleibu un sazaprašanūs, dūd dvāsalisku mīru.
(Lendži 2013)
02-T7-V1-Dt8
Kod gūvs pyrmū reizi dzan gonūs, tod tuos ir juoapkiupynoj ar svieteitū Pyupolu svātdiņis slūteņu.
(Lendži 2013)
02-T7-V1-Dt9
Kod dzan lūpus gonūs, tod dzanamū žogoru atnas uz klāvu un tī atstuoj, tod lūpi vīnmār skrīs uz sātu.
(Lendži 2013)
02-T1-V2-Bt23
Kiuļīns juomat, lai mugura nasuopeitu.
(Lendži 2013)
02-T7-V1-Dt4
Kartupeļus stuota, kod zīd uobeļneicys.
(Lendži 2013)
02-T7-V1-Dt5
Kartupeļus stuota, kod ir gubu muokiuņi.
(Lendži 2013)
02-T7-V1-Dt3
Kartupeļus stuota vacā mienesī.
(Lendži 2013)
02-T13-V2-Bt3
Kartupeļi jāliek pagrabā, pa labajai rokai, ziemeļu stūrī.
(Lendži 2013)
02-T5/6-V6-Bt12
Kaida saimiņeica, taida gūvs.
(Lendži 2013)
02-T1-V2-Bt30
Kai izamuozgā piertī, raksteits, ka nu it kai grākus izsūdzējis.
(Lendži 2013)
02-T5/6-V6-Bt5
Kad suocīs atsauļis (vokora pusī speid sauļa buola, buola kai sauļes atspīdums), tod byus sņīgputeņs.
(Lendži 2013)
02-T6-V4-Bt13
Kad sapnī redzesi mirušū, voi jau savējī atīt uz sātu, tad viskas tevim visādas nepatikšanas
(Lendži 2013)
02-T5/6-V6-Bt10
Kad guldynoj jaunū puori, juodūd suoli, lai malna acs natīk kluotu. (jober ziernus, lai ir daudz bārnu/ veiramuote ļīk ciervi, lai būtu dāls/ juoļīk pi gultys kalmis, lai naīt sļimeibys).
(Lendži 2013)
02-T21-V2-Bt1
Ka vokorā radz varaveiksnys, tod sūla lobu laiku un lobu izadūšanūs vysūs darbūs.
(Lendži 2013)
02-T1-V2-Bt21
Ka ņīz lobuo acs, rauduosi, ka kreisuo – labi.
(Lendži 2013)
02-T5/6-V6-Bt6
Juoņūs lūpym juoļīk vaiņagi, lai labvieļeiga gaisūtņa.
(Lendži 2013)
T1-02-V2-Bt20
Jū vairuok azaru, leļoka īspieja, ka nūvierss leitu.
(Lendži 2013)
02-T1-V2-Bt13
Jaunō mienesī navar stuodāt kartupeļus, tod kartupeļi tikai zīdās i zīdās, nabyus bumbuleišu.
(Lendži 2013)
02-T21-V2-Bt2
Jai ir zvaigžņuota nakts, tad tys ir uz lobu laiku.
(Lendži 2013)
02-T6-V4-Bt9
Ja, saulei rietot, mākoņi savelkas no ziemeļiem, būs vējš.
(Lendži 2013)
02-T1-V2-Bt17
Ja vysu sapni atcereisis, izapiļdāsīs.
(Lendži 2013)
02-T1-V2-Bt9
Ja suņs zīmys laikā vuoļojās, byus silts laiks.
(Lendži 2013)
02-T1-V2-Bt7
Ja suņi suok zuoļi āst, iz leitu.
(Lendži 2013)
02-T1-V2-Bt31
Ja sīvīte satīk veirīti nu reita – byus labi, nalabi ir, ja satīk sīvīte sīvīti voi veirīts veirīti.
(Lendži 2013)
02-T5/6-V6-Bt4
Ja sauļa nūīt kai myglā, laiks nabyus lobs. Ja kai sorkona, zaltana bumba, byus lobs laiks.
(Lendži 2013)
02-T6-V4-Bt10
Ja saulrieta debesis ir dzeltenas, zeltainas vai rožainas būs labs laiks.
(Lendži 2013)
02-T1-V2-Bt25
Ja sātai apkuort apkaisa ar suoli, tod puori naīs nivīns ruopuļs.
(Lendži 2013)
02-T6-V4-Bt8
Ja riekstu ir daudz, bet sēņu nav, būs barga un sniegiem bagāta ziema.
(Lendži 2013)
02-T1-V2-Bt5
Ja reitā cīži agri suok leit, tod jis nalej vysu laiku. A ja puždīņī vai vokorā – ilgstūšs.
(Lendži 2013)
02-T1-V2-Bt4
Ja pīvakarī dzīd gaiļs, mainuos laiks.
(Lendži 2013)
T2-V3-02-Bt3
Ja mozguos veļu tojā dīnā, kod dora olu, tod tuys nūzeimoj, ka dzāruoji vīnmār, kas dzers olu- kausīs.
(Lendži 2013)
02-T3-V2-Bt2
Ja kačs skruopejās pa stenderi ar nogim, byus nagaiss.
(Lendži 2013)
02-T7-V1-Dt13
Ja ir solna, tod trešajā dīnā byus leits.
(Lendži 2013)
02-T21-V2-Bt5
Ja ir kaidys napatikšonys, tod līk upuri bazneicā, vyslobuok ja trejuos, tys paleidz.
(Lendži 2013)
02-T1-V2-Bt24
Ja Ģertrūdis dīnā kaut kū atnas nu meža, tod uz sātu īs ruopuļi.
(Lendži 2013)
02-T6-V4-Bt3
Ja gailis sāk staigāt ar nolaistu asti, drīz uzkritīs sniegs.
(Lendži 2013)
02-T3-V2-Bt1
Ja dienā, kad stāda kartupeļus ir mākoņi – būs labi kartupeļi.
(Lendži 2013)
02-T1-V2-Bt22
Ja daguns ņīz uz leji – myrušīs byus, uz augšu – krysteibys.
(Lendži 2013)
02-T6-V4-Bt12
Ja biezi gubu mākoņi peld zemu, būs slikts laiks, ja augstu – būs vējš.
(Lendži 2013)
02-T7-V1-Dt10
Ja bezdeleigys zamu ļidoj – byus leits, ja augši – lobs laiks.
(Lendži 2013)
02-T13-V2-Bt5
Ja 2.februārī saule – būs labs siena laiks.
(Lendži 2013)
02-T5/6-V6-Bt15
Ja sapņī radz meļļeņu ūgys, byus rikteigs streids.
(Lendži 2013)
02-T1-V2-Bt12
Ir augļeibys dīnys, vacā mienesī stota kartupeļus, kod nau mieneša augleibys dīnys.
(Lendži 2013)
02-T7-V1-Dt7
Gūvs gonūs dzan sastdinis vokorā ap stuņdam septeņom ostoņom, tod byus mīreigas un teireigas.
(Lendži 2013)
02-T1-V2-Bt1
Gūs juokrysta upju vuordūs, pījimsim, Gauja beja, Venta. Jouļīk upju vuordūs, tod gūs labi dūd pīnu.
(Lendži 2013)
02-T13-V2-Bt1
Gurķus jāsēj 25.maijā – “ar maisiem var novākt”
(Lendži 2013)
02-T3-V2-Bt5
Gaiļi īnas ustobā i nūber gryudus, ja ād, apsapreciesīs, ja naād, tod naapsapreceisīs.
(Lendži 2013)
02-T3-V2-Bt3
Dorūt dorbus pyrmū reizi, vīnmār vuorāja ūlys, tai kai juos opolus, tod dorbi veikšūtis labi.
(Lendži 2013)
02-T13-V2-Bt2
Divdesmit pīktais marts – vajag apdarīt visus darbus
(Lendži 2013)
02-T1-V2-Bt14
Augus, siejumus nūteikti i obligāti jaunā juosiej. Kuopusteņus juolīk jaunā.
(Lendži 2013)
02-T7-V1-Dt6
Augus, kas aug uz leju stuoda vacā mienesī, kas aug uz augšu – jaunā.
(Lendži 2013)
02-T1-V2-Bt29
Ar svātū Agatis iudeni dzieš guņi, a maizeita pasorgoj nu nalaimem.
(Lendži 2013)
02-T1-V2-Bt32
Ar lobū kouji juokuopj nu gultys, ar kreisū – slikti.
(Lendži 2013)
02-T1-V2-Bt27
Apsis pī sātys nas nalaimis un slimeibys.
(Lendži 2013)
02-T3-V2-Bt4
Aizaij piec molkys, ja pagaļis puora skaitlī, preceisīs, ja nā – tad paļiksi vīns.
(Lendži 2013)
02- T5-V6-It-1
Leigū vai Zīmyssvātku naktī saraksti veirīšu vuordus, cyk zyni, ļic zem golvys, reitā ceļūtīs, veļc uorā skateitīs, ķeids tev nuokušīs veirs.
(Lendži 2013)
02-T1-V2-It-1
Jouņūs mat vainadzeņu upē – uz kuru pusi aiznas vainadzeņi, nu tuos pusis preciņīks.
(Lendži 2013)
Latgaliešu folklora. 2005 ©
Visus jautājumus un ierosinājumus sūtiet uz webmaster@ru.lv